Natalie Portman ka bërë me dije se nuk do të shkojë në Israel në Qershor, për të tërhequr Çmimin Genesis, përkufizuar si Nobeli Hebraik.
Aktorja dhe producentja, lindur në Jeruzalem dhe nënshtetase amerikane, ka refuzuar shpërblimin, sepse, siç ka shpjeguar një përfaqësues i komitetit të çmimit “zhvillimet e fundit në Izrael ishin shumë të dhimbshëm për të”.
Aktorja u përzgjodh në nëntor për të tërhequr çmimin e mirënjohjes, përkufizuar nga Times Magazine si Nobeli Hebraik.
Shpërblimi është 1 milionë dollarë, të cilat u jepen personazheve që kanë qenë frymëzim për brezat e ardhshëm, falë rezultateve profesionale dhe respektimit të vlerave hebraike.
Natalie Portman, emër arti i Natalie Hershlag, lindi në Jeruzalem 36 vite më parë dhe ka qenë gjithnjë krenare për pasaportën e saj të dyfshtë.
Në 2015-n ka drejtuar dhe interpretuar një film të frymëzuar nga autobiografia e shkrimtarit izraelit Amos Oz, “Një rrëfim dashurie dhe errësire”.
Refuzimi erdhi përmes përfaqësueses së Portman, sipas së cilës “ngjarjet e kohëve të fundit kanë qenë tmerrësisht të dhimbshme për të dhe nuk ndihet komode të marrë pjesë në asnjë ceremoni që zhvillohet në Izrael”.
Sipas ministrit të Kulturës në Izrael Miri Regev, refuzimi i artistes vjen pasi ajo do të jetë “influencuar nga presionet e Bds”, Lëvizja për Bojkotimin e Izraelit, e cila i fton të gjithë artistët ta braktisin këtë vend për të mbështetur popullin palestinez.
Në këtë lëvizje merr pjesë edhe ish pjestari i grupit Pink Floyd, Roger Waters.
