Kohë Europiani, por edhe mendime për të ardhmen te Spanja, aty ku Dani Carvajal, anësori i “La Rojas” zbulon se prej kohësh po përpiqet të bindë shokun e tij në kombëtare, Rodri, mesfushor i Manchester Cityt të Pep Guardiolës, që të shkojë te Reali.
Të dy janë titullarë fiks në formacionin e Spanjës që siguroi me meritë finalen e Euro 2024 kundër Anglisë, në program këtë të dielë në Olympiastadion të Berlinit.
Spanja është një miksim talentesh të rinj dhe senatorësh ekspertë që e kanë bërë një kundërshtar të vështirë për t’u përballur përgjatë këtij turneu, por Carvajal ndërkohë po bën punë të dyfishtë, duke u përpjekur të bindë Rodri që të lërë Anglinë për t’u rikthyer në Madrid te “Los Blancos”, teksa deklaroi për mediat spanjolle; ” I them Rodri çdo vit që të vijë te Reali i Madridit dhe të lërë Manchesterin, pasi aty nuk ka diell.
Pastaj në Madrid kemi nevojë për të. Ai më përgjigjet gjithmonë që ka një kontratë, por për ne transferimi i tij do të ishte diçka perfekte”.
