Një ngjarje e rëndë është shënuar këtë të hënë në Vlorë. Sipas informacioneve paraprake bëhet me dije se një 29-vjeçare ka humbur jetën pasi dyshohet se ka rënë aksidentalisht në kontakt me rrymën elektrike.
Ngjarja e rëndë është shënuar në banesën e 29-vjeçares në lagjen “10 korriku” të qytetit bregdetar.
“Sot, në lagjen “10 Korriku”, Vlorë, dyshohet se aksidentalisht ka rënë në kontakt me rrymën elektrike, në oborrin e banesës, shtetasja Xh. B., 29 vjeçe, e cila si pasojë ka humbur jetën”, thuhet në njoftimin e policisë.
Grupi hetimor po punon për sqarimin e plotë të rrethanave të rastit.
