Një nga personazhet më të njohur të botës së krimit, Laert Haxhiu do të ekstradohet këtë të mërkurë nga Greqia drejt vendin tonë.
Burime për mediat bëjnë me dije se tre furgona Policia kanë mbërritur në pikën doganore të Kakavijës, ku do të marrin në dorëzim nga autoritetet greke Laert Haxhiun.
Ky i fundit u arrestua në muajin maj të vitit të kaluar në Janinë dhe mbahej në burgun e Koridhalos. Për t’i shpëtuar arrestimit, Laert Haxhiu përdorte një leje qëndrimi greke të falsifikuar me emrin Mikis Askalidis, 32 vjeç, lindur në Gjeorgji. Prangosja e tij u bë pas informacioneve të marra nga nga policia shqiptare e cila ua përcolli ato më pas homologeve grekë.
Gjykata greke dhanë aprovimin për ekstradimin e tij, pavarësisht tentativës së Laert Haxhiut për t’i shpëtuar burgut në Shqipëri.
Laert Haxhiu është dënuar me burgim të përjetshëm nga GJKKO për masakrën e Lushnjës të regjistruar në vitin 2017, ku u vranë Zamir Latifi dhe Jurgen Hoxha, por u shpëtoi shënjestra, Xhulio Shkurti, nipi i Aldo Bares, kreu i bandës së Lushnjës.
Për të njëjtin atentat janë dënuar me burgim të përjetshëm dhe Orgest Bilbilin dhe Anterio Kaloshin, të shpallur fajtor për vrasjen e Zamir Latifit dhe Jurgen Hoxhës, si dhe plagosjen e Bujar Turkut dhe Marius Xhepexhiut.
Gjithashtu, Laert Haxhiu u rishpall në kërkim nga SPAK dhe pas dëshmisë së bashkëpuntorit të drejtëise Artan Tafani ku e implikon Haxhiun ne disa vrasje dhe krime të tjera.
Pas dëshmive të Artan (Marjus) Tafanit, Laert Haxhiu akuzohet si autor i vrasjeve të:
- Lulzim Qorrit, 12 Dhjetor 2018 në Athinë
- Fridmand Xhaferrajt, 13 Maj 2021 në Korçë
- Çajup Selimit, 1 Qershor 2021 në Tepelenë
- Dikens Halilit, 3 Tetor 2021 në Athinë
- Alban Semakut, 17 Tetor 2021 në Peqin
- Albi Bashaliut, 27 Dhjetor 2021 në Elbasan
Si dhe një sërë krimesh të tjera si shpërthime me tritol, tentativë vrasje dhe gjobvënie.
