Familja e një modeleje 18-vjeçare holandeze, e cila ra nga kati i 14-të i një pallati në Kuala Lumpur dhe humbi jetën, ka reaguar duke thënë se vajza e tyre është vrarë.
Sipas “Daily Mail”, Ivana Smit do të merrte pjesë në “Next Top Model” të Belgjikës, por u gjet e vdekur, teksa ra nga pallati dhjetorin e vitit të kaluar.
Policia malajziane e klasifikoi tragjedinë si vdekje e papritur, aksident ose vetëvrasje.
Por familja e vajzës pretendon se ajo është vrarë.
Xhaxhai i modeles tha: “Ajo kishte botën në këmbët e saj. Ne nuk besojmë se ajo ka vrarë veten. Ajo na kishte premtuar se do të ishte në Belgjikë në finalen e “Next Top Model”, por u kthye në arkivol”.
Familja madje ka angazhuar një detektiv policie për të hetuar vdekjen e modeles.
Ivana e kaloi natën me manjatin amerikan Alex Johnson, 44 vjeç dhe bashkëshorten e tij Luna, 31 vjeç.
“Daily Mail” shkruan se të tre e njohin njëri-tjetrin dhe kanë kaluar një natë intime së bashku teksa ishin të alkoolizuar.
Ndërkohë, në pamjet e kapura nga kamerat e sigurisë, teksa ishin duke u futur në ashensor, 18-vjeçarja duket në gjendje të dehur.
