Partizani do të përballet këtë të hënë me Skënderbeun, në një duel ku duket se do të jetë mjaft i fortë.
Kryendeshja e javës së 30-të ka nisur të ndizet, teksa nëpërmjet një postimi në faqen zyrtare në rrjetin social, dje ku klubi i “demave të kuq” bënte thirrje tifozëve të ishin të shumtë në stadium.
Nga ana tjetër Partizani ka përfituar për të provokuar korçarët duke i zëvendësuar emrin Skënderbeu me atë Hamzai (referuar nipit të heroit kombëtar, që tradhtoi luftën dhe kombin, për ambicie personale).
Ngacmimet në rrjetet sociale kanë ndezur situatën, duke sjellë reagimin e klubit bardheblu. Në postimin e sotëm ku njoftohej më për ndeshjen e ditës së hënë ndaj Partizanit, Skënderbeu i është përgjigjur kryeqytetasve duke shkruar: “Hamzain nuk e sollëm ne, atë e gjetëm mes jush”.
