Një i vdekur dhe dy të plagosur rëndë. Është ky bilanci tragjik i një aksidenti që ndodhi në aksin rrugor Bajram-Curri- Fierzë.
Policia lokale thotë se një automjet tip “BMW”, me drejtues shtetasin N.M është përplasur “kokë më kokë” me automjetin tip “Benz”, me drejtues shtetasin F.D..
53-vjeçari F.D., udhëtonte me vëllain dhe dy pasagjer. Si pasojë e aksidentit ka gjetur vdekjen shtetasi M.D., 64 vjeç, banues në fshatin Dushaj, (pasagjer, vëllai i drejtuesit mjetit tip Benz), si dhe janë transportuar në spitalin e Traumës në Tiranë, drejtuesi i mjetit tip “Benz” dhe i mituri E.H., rreth 7 vjeç.
Po ashtu thotë policia drejtuesi i mjetit tip “BMW”, është shoqëruar në komisariatin e Policisë Tropojë, për veprime të mëtejshme.
