Avokati i Adriatik Llallës ka thënë mbrëmjen e së enjtes se nuk është njoftuar nga prokuroria për nisjen e një hetimi ndaj ish-kryeprokurorit të vendit.
Duke folur në emisionin “Të Paekspozuarit”, Sokol Hazizaj deklaroi se vetëm mungesa e këtij njoftimi i jep të drejtë zyrës së avokatisë që të kërkojë pavlefshmërinë e të gjitha veprimeve të kryera deri më tani nga Prokuroria.
Por gazetari Artan Hoxha tha se ka nisur një procedim penal ndaj Llallës. Madje shkoi më tej, ku thotë se po kërkohet një gjykatës për të caktuar masën e sigurisë ndaj ish-Prokurorit të Përgjithshëm.
“Prokuroria po kërkon për të dhënë edhe një masë sigurie për Adriatik Llallën, por nuk kanë gjetur gjyqtarin e duhur deri më tani”, u shpreh ai.
