Një 43 vjeçar në Gramsh është arrestuar nga policia për kanosjen e një mjeku në spitalin e këtij qyteti.
Në pranga ka rënë shtetasi Bujar Hoda, 43 vjeç, banues në fshatin Vinë.
“Arrestimi i tij u bë pasi, ky shtetas për motive të dobëta ka kanosur me mjet prerës thikë në oborrin e spitalit të Gramshit, mjekun H.K, 58 vjeç, banues në Tiranë” thotë policia.
Pas marrjes së njoftimit shërbimet e Policisë kanë shkuar menjëherë në vendngjarje, ku kanë bërë kapjen dhe arrestimin e autorit.
Në cilësinë e provës materiale u sekuestrua edhe thika me të cilën autori kanosi mjekun.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Kanosja për shkak të detyrës” dhe “Prodhimi,mbajtja, blerja apo shitja pa leje e armëve të ftohta”, parashikuar nga neni 238 dhe 279 të Kodit Penal.
