Një zyrtar i lartë japonez dha dorëheqjen të këtë të Mërkurë, pas akuzave për ngacmim seksual të gazetareve.
Junichi Fukuda mohon akuzat e publikuara në një revistë, e cila thuhet se ka prova kundër tij.
Nga ana tjetër, një guvernator dha dorëheqjen pas akuzave se kishte paguar gra për të patur marrëdhënie me të.
Shoqëria konservatore japoneze është bashkuar me vonesë me lëvizjen #MeToo, lëvizja e cila i hapi rrugë denoncimeve të skandaleve seksuale nga njerëz të pushtetshëm dhe të pasur.
Akuzat se Fukuda, një zyrtar i lartë në Ministrinë e Financave Japoneze, ka bërë komente sugjestionuese ndaj seksit drejt gazetareve, fillimisht u raportua në revistën Shukan Shincho.
Publikimi nxori në pah një regjistrim audio më herët këtë javë, që mendohet të jetë zëri i zyrtarit, i cili thotë “A mund të të përqafoj?” dhe “A mund të të prek gjoksin?”
