Vjen surpriza e parë e madhe e Kampionatit Evropian të futbollit. Belgjika është mposhtur me rezultatin 0-1 nga Sllovakia në ndeshjen e tyre hapëse të “Euro 2024”.
Goli i vetëm i kësaj sfide erdhi në minutën e 7’-të, me sulmuesin e Sllovenisë, Ivan Schranz, që tundi rrjetën e Casteels, pas një “përgjumje” të mbrojtjes belge.
Djemtë e Tedesco reaguan menjëherë por rastet e vetme që u përkthyen në gol, nga Romelu Lukaku, dy të tillë, u anulluan pas rishikimit me anë të sistemit VAR, me golin e parë që ishte në pozicion të parregullt, ndërsa gjatë ndërtimit të aksionit në golin e radhës pati një prekje të topit me dorë.
Falë këtij rezultati, Belgjika poziconohet në vendin e tretë të Grupit E, vetëm me golavarazh më pozitiv se Ukraina, e cila u mund me rezultatin 3-0, ndërsa Sllovakia vendoset në vendin e 2-të të këtij grupi, me 3 pikë, po aq sa Rumania kryesuese.
Në sfidat e radhës, Belgjika do të ndeshet me Rumaninë e vendit të parë, ndërsa Sllovakia me Ukrainën.
Golat e anuluar të Lukakut:
Renditja e Grupit E:
