Aventura italiane për futbollistët shqiptarë Naser Aliji dhe Azdren Llullaku nuk ka shkuar mirë. Sulmuesi dhe mbrojtësi kaluan në janar te skuadra italiane e Seria B-së, Virtus Entella.
I pari ishte pa ekip që prej largimin në verë nga klubi gjerman i Kaiserslautern-it.
Llullaku kishte mundësinë që të firmoste me ekipin e Gaz Metan-it në Rumani, por në fund u transferua në mënyrë të papritur te skuadra Entella-s në Seria B.
Mbrojtësi e nisi mirë aventurën e tij në Itali, pasi luajti si titullar duke qenë në fushë në 10 ndeshje, nga të cilat 8 i nisi si titullar.
Në humbjen e djeshme kundër ekipit të Venezias me rezultatin 2-0, trajneri e la në stol Alijin. Ai e zëvendësoi dhe në takimin kundër Avellinos të përfunduar në barazimin 1-1.
Situata nuk duket shumë pozitive për Alijin, i cili duket se e ka humbur besimin e teknikut të tij.
Sulmuesi Azdren Llullaku nuk arriti për asnjë moment të bënte përshtypje pozitive te skuadra e Seria B-së.
Ai nuk u kthye në asnjë moment në protagonist për ekipin e tij dhe ka luajtur me pikatore. Në humbjen e fundit. Llullaku nuk u aktivizua për asnjë moment dhe e pa skuadrën nga pankina. Ai luajti si titullar në barazimin e Entellas me ekipin e Avellinos, por u zëvendësua në minutën e 56-të duke konfirmuar momentin e tij të keq.
Ekipi i Virtus Entellas nuk ndodhet në pozita të mira, pasi momentalisht luftojnë për të qëndruar në Seria B.
Ekipi i dy shqiptarëve është i pozicionuar në vendin e 19 që të siguron “play-out”-in, por vetëm 1 pikë larg vendit të 20-të që të rrëzon direkt nga liga.
Pavarësisht qëndrimit apo jo të dy shqiptarët duhet të gjejnë skuadër tjetër në verë, pasi nuk kanë shkuar mirë me përformancat e tyre.
