Armando Broja është dëshirë e Wolfsburgut në Bundesligën gjermane të futbollit. “Kicker” bën me dije se sulmuesi shqiptar mund të bashkohet me “Ujqërit”, pasi trajner i Ëolfsburg është një emër i njohur për të, Ralph Hasenhuttl.
Ish-trajneri i Southampton është i njohur me Brojën, pasi të dy kanë qenë pjesë e “Shenjtorëve”. Dy sezone më parë Broja luante në huazim nga Chelsea, teksa asokohe shënonte nëntë gola në 38 ndeshje gjatë Premier League.
Tanimë rrugët mund të bashkohen dhe në Gjermani janë të bindur se Hasenhuttl e ka kontaktuar sërish Brojën për ta pasur në ekip, këtë herë në Bundesligë me Ëolfsburg.
Milan, Dortmund, Monaco dhe shumë emra big në Evropë janë pas Brojës, me Chelsea që nuk e lëshon pa 20 milionë euro sulmuesin shqiptar.
