Si tifoz i Partizanit, që prej vitesh nuk ka fituar asnjë trofe, deputeti socialist, njëkohësisht edhe kreu i Komisionit të Ekonomisë, Erion Braçe ka shpallur prej kohësh si armik Federatën Shqiptare të Futbollit.
Pasi në zgjedhjet e fundit, Bashkim Fino nuk mundit të merrte votat e nevojshme për tu zgjedhur në krye të FSHF-së, Braçe por edhe eksponentë të tjerë të PS-së kanë sulmuar vazhdimisht Federatën.
Rasti i fundit është letra që Erion Braçe, si deputet i PS-së dhe kreu i Komisionit të Ekonomisë në Kuvend i dërgon tatimeve ku i kërkon këtij institucioni që të mësyjë në zyrat e FSHF-së për kontroll.
Braçe kërkon të mësojë nga tatimet se cilat janë të ardhurat e FSHF-së që nga viti 2010 e deri më sot. Siç duket inatin e humbjeve të Partizanit, deputeti Braçe kërkon ta nxjerrë ndaj FSHF-së.
