Shqipëria do të përballet për herë të gjashtë sot me Azerbajxhanin. Sfida do të luhet në orën 19:00 në kuadër të përgatitjeve pë Kampionatin Evropian i cili ngre siparin më 14 qershor.
Në histori, kuqezinjtë kanë precedentë pozitivë në ato ndeshje direkte që janë zhvilluar nga viti 2000 deri në 2011, kur ka qenë edhe takimi i fundit dhe i vetmi i humbur.
Mes tyre një barazim në 2008-n, ndërsa tri takimet e tjera janë fituar nga Shqipëria, ku kanë shënuar lojtarë si: Murati, Tare, Bushi, Cana dhe Skela. Të gjitha kanë qenë miqësore.
