Besa e Kavajës synon që të rikthehet sërish protagoniste në futbollin shqiptar.
Së fundmi, klubi zyrtarizoi një trajner me mjaft eksperiencë në pankinë, si Mirel Josën i cili ka firmosur për 1 vit.
Tekniku Josa, në fjalën e tij gjatë prezantimit në ambientet pranë Bashkisë Kavajë u shpreh se është optimist për të ardhmen e kësaj skuadre.
“Duhet të japim maksimumin tonë. Kur bëhet gjithçka me dëshirë, do të thotë se një komunitet, fiton. Unë erdha me shumë dëshirë, duhet të kontribuojmë të gjithë për të mirën e skuadrës. Këtu nuk ka merita individuale. Sinqeriteti në punë më jep një shtysë më të madhe për të bërë mirë” – tha ai.
Së bashku me trajnerin janë prezantuar edhe dy afrimet e para te Besa. Mentor Mazrekaj dhe Jurgen Goxhaj bëhen pjesë e Besës dhe do të luajnë në sezonin e ri në Kategorinë e Parë.
