Kombëtarja U-17 luajti pasditen e sotme ndeshjen e parë miqësore ndaj Malit të Zi.
Në takimin e zhvilluar në Podgoricë, kuqezinjtë e drejtuar nga trajneri Bledi Shkëmbi u mposhtën me rezultatin 3-1.
Pjesa e parë mbyllet me shifrat 1-0 për Malin e Zi. Gjatë pjesës së dytë, trajneri Bledi Shkëmbi kreu disa zëvendësime në fushë, duke u dhënë mundësinë thuajse të gjithë lojtarëve të tregojnë cilësitë e tyre.
Golin e vetëm për kuqezinjtë e shënoi Gabriel Kulla, në minutën e 69-të. Kulla merr një top nga Mihana, teksa më pas vepron drejt zonës kundërshtare i vetëm, duke barazuar shifrat në 1-1 për pak minuta.
Pavarësisht rasteve të kuqezinjve, malazezët realizojnë edhe dy gola të tjerë, duke vulosur rezultatin në 3-1.
Më 24 maj, kuqezinjtë do të luajnë një tjetër sfidë miqësore, po ndaj Malit të Zi në stadiumin “Loro Boricci” në Shkodër, në ora 20:30.
