Teksa po komentonte vizën e paralajmëruar të Sekretarit të Jashtëm i Britanisë së Madhe, David Cameroon në 22 maj në Tiranë, gazetari shqiptar që jeton në Mbretërinë e Bashkuar Arben Manaj tha se asnjëherë nuk mund të dihet se çfarë flitet në prapaskenë dhe për këtë mori rastin e marrëveshjes së Ramës me Melonin.
I ftuar në News 24, Manaj tha se Rama duhet të bëjë më shumë për të formalizuar ata emigrantë shqiptarë që jetojnë e punojnë në Britani dhe të lehtësohet procesi i vizave.
“Në mediat britanike shumë pak flitet për këtë vizitë të David Cameroon. Mendoj se Cameroon vjen në Tiranë për imigracionin ilegal. Emigrantët në Britaninë e Madhe kanë rënë ndjeshëm në numër. Diku po përpunohet një plan, por nuk kuptohet çfarë plani është sepse janë biseda shumë personale. Edhe me Melonin nuk u kuptua marrëveshja, sepse bisedat ishin personale dhe papritur u tha se është arritur marrëveshja për emigrantët. Nisur nga marrëveshja që ka arritur mes Ramës dhe Sunak, ka bërë që numri i shqiptarëve në MB të bjerë në nivele rekorde. Të arrihet së paku lehtësi për procesin e vizave. Rama duhet të kërkojë më shumë, të formalizojë emigrantët që janë në Britani, se nuk janë më shumë se 12 mijë, sepse shqiptarët që kanë mbetur në Britaninë e Madhe meritojnë më shumë”, deklaroi gazetari Manaj.
