Gjykata e Apelit ka ndryshuar masën e sigurisë për 63-vjeçarin Jorgji Koreka i cili ka tentuar të godasë gjyqtaren Ina Bajramaj gjatë një seancë gjyqësore që po zhvillohej në Gjykatën e Lushnjes.
Ngjarja ka ndodhur më 11 prill të këtij vitit, dhe Gjykata e Shkallës së Parë Fier e kishte lënë 63-vjeçarin në masën e sigurisë “arrest me burg, ndërkohë sot Apeli ka ndryshuar masën e sigurisë të vendosur ndaj tij.
Trupi gjykues me Gjyqtare Diamela Goxha, vendosi, ndryshimin e vendimit në “arrest shtëpie”, dhe urdhëroi të mos largohet nga banesa e tij.
