Ardjan Takaj, presidenti i Skënderbeut, ka qenë ironik dhe i ashpër me Hygerta Sakon në emisionin “Rubrika Sportive” në RTSH.
E pyetur nga moderatorja se kush janë kundërshtarët, të cilët e dinin që në shtator se Skënderbeu do të dënohej, Takaj iu përgjigj: “Kundërshtarët tanë janë aty. I keni edhe ju aty, pyesni regjisorin. Pyet atë që të flet ty tek veshi”.
Menjëherë iu kundërpërgjigj Sako, e cila u shpreh: “T’i them Lulit?”. “Po, thuaji Lulit të vogël…”.
Numri një i Skënderbeut, një ditë më parë zbuloi mesazhet e ish-drejtorit të Partizanit, Dritan Dervishit, i cili mes të tjerave i thoshte Takajt se regjisori i akuzave që vinin nga Shqipëria ishte Pano Xhixho, drejtori i departamentit të sportit në RTSH. Nuk dihet nëse për këtë e ka pasur fjalën apo jo Takaj dje?
