Gjykata e Lezhës ka vendosur masën e sigurisë “arrest shtëpie” për administratorin e pallatit në ndërtim Martin Kovaçi dhe punëtorin e firmës Eduard Frroku, lidhur me çështjen e vdekje se punonjësit 50-vjeçar Preng Gjoni para disa ditësh.
Në seancën gjyqësore të zhvilluar më dyer të mbyllura, gjyqtari pranoi kërkesën e prokurorit duke e cilësuar të ligjshëm arrestimin e dy personave dhe vendosi ndaj tyre masën e sigurisë “arrest në shtëpi”, për veprën penale “shkelja e rregullave të mbrojtjes në punë”.
Arrestimi i 2 personave dhe shpallja në kërkim e 34-vjeçarit Edmond Marku, drejtues teknik i firmës së ndërtimit, u bë pasi ditën e shtunë, në Kune, Shëngjin, në një pallat në ndërtim, 50-vjeçari Preng Gjoni humbi jetën pasi i ra një dërrasë druri mbi kokë teksa punonte.
