Deputeti Erjon Braçe ka reaguar pas sherrit në Kuvend. Në një prononcim në oborrin e Parlamentit pasi deputetët demokratë tentuan ta qëllonin në foltoren e Kuvendit ai tha se nuk ka frikë nga kjo lloj bande, duke e pasur këtu fjalën për Partinë Demokratike, teksa tha se nuk do tolerojë më asnjë lloj fyerje.
“Kjo është opozita e dekriminalizuar që shihni në sallën e Kuvendit. Kur kam kaluar 26 majin e këtij krimineli dhe 21 janarin, as më shkon në mendje se mund të kem ndonjëherë frikë apo të ndjehem i kërcënuar nga kjo lloj bande”, tha ai.
Situata në sallën e parlamentit degjeneroi pasi deputeti i PS-së, Erjon Braçe iu adresua me fjalë fyese deputetit demokrat Arben Ristani, e ndërkohë deputeti i PD-së, Paloka i është sulur nga vendi dhe ka tetnuar ta qëllojë.
“Po buçe po, po të them edhe njëherë tjetër, e ke nisur me të tutë s’ke lënë njeri pa përfolur, pa e damkosur ti vetë, ti, mos bëj si qen Sali, ulu aty, ka ikur koha jote, ulu se e di unë se ca halli ke ti”, i tha Braçe, Ristanit.
Meta: Ju lutem ruani qetësinë
Braçe: Po o qen i madh, ulu aty, dëgjo, dëgjo
Meta: Ju lutem, zoti Berisha, zoti Brace
I hiqet zëri Braces teksa fliste.
Në sfond duket Paloka që niset ta godasë, por ndërhyn garda dhe rrethon foltoren.
Meta ndërpret seancën
