Policia ka proceduar penalisht avokatin Pëllumb Isufi i cili pasi bashkëpunoi me ish-bashkëshortin e klientes i kërkoi asaj favore seksuale.
“Seksioni për Hetimin e Krimeve Ekonomiko-Financiare referoi materialet në Prokurori, ku nisi procedimi në gjendje të lirë për shtetasin P. I., 52 vjeç, banues në Fier, me detyrë avokat, pasi më datë 25.04.2024, është shfaqur në një video të transmetuar në emisionin investigativ “Fiks Fare”, duke i kërkuar favore seksuale një shtetaseje”, njofton policia.
Avokati u denoncua mbërmjen e së enjtes (25 prill) ku u publikua një video e tij nga emisioni investigativ ku i kërkonte favore seksuale klientes së tij.
“P… p…, do vishesh me të bukura kur të vij unë. Jo me brekë se dua t’i heq vetë brekët. Kush zhvishet sot, më i q … n…. Unë për p… vdes. P… e lekë dua unë. Edhe me para unë nuk ngopem dot. Para dua shumë. Hajt të puç unë”, në regjistrimin e publikuar.
Gruaja ka pretenduar se ngacmimet seksuale nga avokati Pëllumb Isufaj kanë filluar kur ajo ka qenë në Shqipëri në muajin tetor 2023. Madje, gruaja është shprehur se përfaqësuesi i saj ligjor i ka kërkuar dhurata, të cilat ia ka dhënë.
“Mesazhi i parë ka qenë në tetor 2023 mesa mbaj mend. Ai iku me shpejtësi dhe më thotë unë do të vij në Vlorë, po ti ça do të më bësh mua. U shtanga. Dhe s’e mendova shumë për momentin. I thashë do hamë drekë, ka ardhur i acaruar. S’e kuptova ku donte të dilte dhe më tha më jep lekët e drekës se s’kam kohë. Më ka kërkuar dhurata dhe ia kam dhënë. Të gjitha këto që mendoj besoj se ai i ka bërë se kërkoi favore seksuale. Unë çdo gjë e kam bërë vetë. Edhe tani, kur kemi gjyqin e përpjesëtimit të pasurisë. I thosha do kërkosh këtë dhe atë. Më përgjigjej se ‘ku e di ti, unë s’jam lodra jote’. ‘Unë s’dal kundra ligjit’”, tha 42-vjeçarja, e cila pretendon se avokati bashkëpunon me ish-burrin e saj me qëllim që të fshehë pasuritë dhe llogaritë bankare nga përpjesëtimi i pasurisë dhe detyrimi ushqimor.
Në bisedat telefonike të regjistruara, avokati i thotë se ka folur me ekspertë dhe të mos e bënte kundërshtimin e pasurisë, por ajo këmbëngul që ai të bëjë disa kërkesa në gjykatë.
“Nuk dal kundra ligjit unë”, i thotë ai, ndërsa gruaja shprehet se ka folur me noteren dhe duhet të bësh një kërkesë se ish burri ka një pasuri.
“Kush është kjo noterë se mbase dashurohem me të”, i përgjigjet ai. Më tej i kërkon denoncueses që noterja të përpilojë kërkesën, të shkruajë objektin dhe t’ia servirë avokatin. “Unë kam firmën dhe vulën. S’di ta bëj atë kërkesë” i përgjigjet ai.
Denoncuesja pohon se një avokat nuk flet kështu me klienten e vet. “Si përfundim as nuk erdhi në seancë. Madje, edhe te Përmbarimi ku këmbëngulte se ish bashkëshorti s’ka asnjë llogari bankare. Më thoshte vazhdimisht se i ka 0 dhe u detyrova dhe erdha vetë nga Anglia në Shqipëri. Shkoj në Përmbarim dhe aty ai i përmbarimit e nxori dosjen. Te dosja ishin 11 mijë euro”, pohon ajo. Ndërkohë, bisedat në Përmbarim i ka regjistruar, ku punonjësit e asaj zyre pranojnë se është bërë “lapsus”.
Pas ankesës, denoncuesja takon avokatin në Vlorë ku ky i fundit i kërkon favore seksuale.
“Mos u kruaj shumë me mua se e di ti edhe pse të dashuroj. Unë të acaroj më shumë, që ti pastaj bëhesh nevrike edhe më shkruan kërkesat mua se s’di të bëj unë kërkesat” i thotë ai dhe më pas tenton ta prekë por 42-vjeçarja i thotë që do e denoncojë.
“Dëgjomë pak e para e punës. Unë kam thirrur një shokun tim avokat, që do jetë ai se unë do iki në Lushnjë. Ju do vini aty dhe do thoni që e kundërshtoni aktin e ekspertimit” i thotë ai, teksa në bisedë pranon se ka marrë pagesë dhe shpërblime nga qytetarja. Megjithëse flasin për punë, avokati e ka mendjen gjetkë, teksa i kërkon që ”ta fus një çikë këmbën këtu”? Ai vijon me kërkesat, madje i kërkon edhe telefon. “Në shtëpi do q… ne? Do puthemi një çikë, do fërkohemi. Edhe po doli se nuk e kam ndonjë problem të madh unë. Gabova unë, m’u ngrit e gabova. Tani kur të zbres aty më është ngritur”, i drejtohet ai.
