‘Me miqtë e mi, pi drogë kur e gjej. Jam përdorues e jo shpërndarës’.
Këto mësohet se kanë qenë disa nga fjalët në dëshminë e dhënë gjatë ditës së djeshme nga Arkimed Lushaj, i njohur me emrin ‘Stresi’.
Këngëtari i njohur u ndaluar mëngjesin e djeshëm nga policia, sipas së cilës, atij dhe dy miqve të Stresit i është gjetur drogë.
Policia e Tiranës ka vënë në pranga këngëtarin Arkimed Lusha të njohur edhe si ‘Stresi’ dhe një shtetas tjetër të identifikuar si Kujtim Përshpalaj.
Sipas bluve të kryeqytetit, këta dy shtetas janë kapur duke konsumuar kokainë në një lokal bastesh në rrugën ‘Ali Pashë Gucia’.
“Procedimi ndaj shtetasve të lartpërmendur është kryer pasi gjatë kontrollit të ushtruar nga ana e shërbimeve të forcës së posaçme “Shqiponja”, në një lokal bastesh sportive në rrugën “Ali Pashë Gucia” janë kapur në kushtet e flagrancës shtetasit e mësipërm duke konsumuar lëndë narkotike brenda në lokal.
Ka nisur procedimi në gjendje të lirë për shtetasit A. V., 30 vjeç, banues në Tiranë; J. B., 28 vjeç , banues në Njesinë Administrative Laç dhe L. P., 31 vjeç, banues në Tiranë.
Janë sekuestruar në cilësinë e provës materiale një qese ambalazhi brenda të cilës kishte një sasi pluhuri me ngjyrë të bardhë e dyshuar e llojit kokainë, një pjatë porcelani ku sipër saj kishte një sasi pluhuri me ngjyrë bardhë dhe dy karta karburanti”, sqaroi dje policia.
