Një 30 vjeçar, tifoz i Flamurtarit ka humbur jetën ditën e djeshme në stadiumin e Vlorës.
Mikel Selmanaj 30 vjeç humbi jetën në momentin që po linte stadiumin pas humbjes që Flamurtari pësoi përballë ekipit të Kukësit me rezultatin 0-2.
Rrethanat janë ende të paqarta sesi tifozi kuqezi humbi jetën kur po dilte nga stadiumi. Pistat e ngritura dhe ku po hetohet për momentin janë dy; humbja e ekuilibrit në momentin që po dilte dhe debati me një efektiv policie në nervozizëm e sipër pas rezultatit zhgënjyes. Nga ana tjetër disa tifozë shprehen se polici e shtyu tifozin.
Sipas burimeve të policisë kanë nisur hetimet edhe brenda radhëve të bluve të Vlorës nëse rënia fatale me kokë në trotuar e tifozit Mikel Selmanaj erdhi si pasojë e shtyrjes nga efektivi kur 30-vjeçari po dilte nga stadiumi.
