Një profesor në Universitetin e Prishtinës, Xhevat Krasniqi është denoncuar disa kohë me parë për ngacmim seksual në Këshill të Etikës nga 27 studente të Fakultetit të Mjekësisë.
Një nga studentet, Anita Mjeku ishte këtë të martë e ftuar në emisionin “Good Morning Albanians” ku ka folur në lidhje me rastin në fjalë. Ajo theksoi se profesori i thërriste studentet në zyrë për t’i pyetur, ku dhe më pas i ngacmonte seksualisht.
“Profesori i thërriste në zyrë studentet me i pyet një nga një dhe jua ka mbyllë derën, gjë që është e kundërligjshme pasi dera duhet të qëndroj e hapur. Njërës prej të cilës i ka thënë që ti bëjë masazh dhe i është afruar që ta përqafoj. E ka përqafuar pa dëshirën e saj. Ish-studente kanë nda të njëjtën eksperiencë. Është i njëjti profesor që ka qenë i pezulluar për shkak të ngacmimeve seksuale” – tha ajo.
