Kastriot Gjuzi, autori i dyshuar i vrasjes së 28-vjecarit Mario Majollari është filmuar nga disa kamera sigurie. Burime nga grupi i hetimit kanë thënë se 40-vjeçari disa ditë para ekzekutimit ishte fiksuar nga kamerat e sigurisë së disa bizneseve ne vendngjarje dhe dyshohet se studionte terrenin.
Prej 4 ditësh uniformat blu kane nisur një sërë kontrollesh në zonën e Dajtit, aty ku dhe dyshohet se fshihet Gjuzi, i cili qëlloi për vdekje të riun për motive hakmarrjeje.
Disa operacione janë zhvilluar në zonën e Qafë Mollës, Qafë Priskës në Shëngjergj apo dhe në fshatrat përreth, por ende nuk është gjendur autori.
Në vitin 2000 babai i Marios, Avni Majollari u akuzua për vrasje të dyfishtë në zonën e Dajtit. Njëri prej viktimave ishte Ilir Gjuzi vëllai i Kastriot Gjuzit. Avni Majollari u arrestua 14 vite pas krimit të rëndë, ndërsa vuan dënimin me burgim të përjetshëm.
Ndonëse Avni Majollari ishte i divorcuar dhe kishte braktisur djalin e tij Kastriot Gjuzi nuk hoqi dorë nga hakmarrja.
