Menjëherë pas protestë së sotme, ambasadat e huaja në vendin tonë, po reagojnë në kor të shqetësuara për dhunën në protestën e sotme, ku nuk pati asnjë person të lënduar.
Ambasadat i ka shqetësuar një molotov i hedhur nga qytetarët në derën e bashkisë së Tiranës, por nuk i shqeton grabitja e dhjetra miliona eurove para të taksapaguesve shqiptarë nga drejtorët kryesorë të kryebashkiakut Erion Veliaj.
Lidhur me reagimet e sotme të ambasadave të huaja në Shqipëri, ka ardhur së fundmi një përgjigje nga anëtari i Kryesisë së PD-së, Belind Këlliçi, i cili është një nga zërat kryesor të protestës.
Ai ka publikuar në rrjetet sociale pamjet e protestës së mbajtur vetëm rreth dy muaj më parë në Bruksel, ku protestuesit i kanë vënë zjarrin, ngjitur me zyrat qëndrore të Bashkimit Evropian. Sipas Këlliçit, ndërkombëtarët e veçanërisht evropianët, duhet të pranojnë në Shqipëri të njëjtin standard që pranojnë për vendet e tyre dhe nuk mund të na trajtojnë si vend i botës së tretë.
“Një përshëndetje për të gjithë qytetarët shqiptarë kudo janë dhe partnerët ndërkombëtarë, me foto nga protesta e fermerëve e zhvilluar vetëm 2 muaj më parë, më 26 shkurt 2024, në Bruksel, ngjitur me zyrat qëndrore të Bashkimit Evropian.
Të gjithë ndërkombëtarët e veçanërisht evropianët, duhet të pranojnë në Shqipëri të njëjtin standard që pranojnë për vendet e tyre
Ne NUK jemi dhe NUK mund të trajtohemi si një vend i botës së tretë!” – shkruan Këlliçi.
