U organizua këtë të mërkurë në qytetin e Durrësit ceremonia e dhënies së titullit për aktorin Mirushin Kabashi.
Aktori i mirënjohur i teatrit dhe kinemasë shqiptare, është nderuar nga bashkia e qytetit me titullin “Qytetar Nderi” katër muaj pas vdekjes.
Kabashi ndërroi jetë më 5 dhjetor të 2023 në moshën 75-vjeçare.
Mirush Kabashi lindi më 17 prill 1948 në Shkodër, por u rrit në Durrës. Origjina e tij ishte nga Gjakova. Kabashi është cilësuar si një nga interpretuesit më të mëdhenj të poezisë në Shqipëri. Ai ka dhënë një kontribut të madh në filmografinë shqiptare ndërsa numërohen rreth 100 role në teatër dhe filma.
