Leon Kozi u ndëshkua me karton të verdhë në sfidën e fundit përballë Skënderbeut, i cili ishte i katërti për të. Në këto kushte, gardiani bardheblu do t’i mungojë ekipit për ndeshjen e radhës kundër Kukësit.
Vendin e tij do të zërë Mustaf Abduallahu, me këtë të fundit që nuk luan me Tiranën që prej derbit.
Por mungesa e Kozit i cili ishte më i miri për Tiranën në ndeshjen e fundit, nuk do të jetë problemi i vetëm përballë Kukësit. Kundër verilindorëve, edhe 2 lojtarë të tjerë kyç të Tiranës mund t’i hapin probleme Erbim Fagut.
Bruno Lulaj dhe Regi Lushkja janë me nga 3 kartonë të verdhë dhe në rast se ndëshkohen në ndeshjen kundër Kukësit, do të mungojnë në atë pasardhëse përballë skuadrës së Erzenit.
