Nga Boldnews.al
Kryeministri Edi Rama ka marrë një “shuplakë” shumë të rëndë nga Freedom Houese, pak ditë para se ati të përballen të Bruksel me Komisionin Europian për diskutimin mbi hapjen e negociatave.
Grupi ndërkombëtar i të drejtave të njeriut ka goditur rëndë dy prej pikave kryesore, për të cilat qeveria shqiptare duhet të japë llogari në Bruksel të hënën, dt. 17 prill; lufta kundër drogës dhe reforma në drejtësi.
Në kapitullin për Shqipërinë të raportit të përvitshëm të organizatës Freedom House “Vendet në Tranizicion”, thuhet se përparimi në rënien e kultivimit të kanabisit, u zbeh nga dyshimet se ish-Ministri i Brendshëm Saimir Tahiri ishte i lidhur me një rrjet shqiptaro-italian të trafikut të drogës.
Krahas kritikës për luftën e çalë kundër narkotikëve, Freedom House vë theksin edhe në zbatimin e njëanshëm të Reformës në Drejtësi. “Zgjedhja me një shumicë të thjeshtë në parlamentin e Shqipërisë të Prokurores së Përkohëshme më 18 dhjetor, gjë që minoi seriozisht besueshmërinë dhe pavarësinë e institucionit”, thuhet në raportin e Freedom House.
Qeveria shqiptare do të përballet me Komisionin Europian të hënën, në bazë të një vendimi të nëntorit 2016 të Komisionit Europian, i cili sugjeroi hapjen e negociatave me kusht me vendin tonë. Kushti kryesor, krahas prioriteteve të tjera, ishte ecuria e rezultateve të Reformës në Drejtësi.
Zgjedhja e Prokurores së Përgjithshme të Përkohshme, vetëm me votat e maxhorancës, u shoqërua me një klimë të acaruar politike në vend. Opozita mbështet idenë se zgjedhja e njëanshme e vendos institucionin e Prokurorisë nën ndikimin e qeverisë së Edi Ramës. Ky qëndrim i opozitës është i ngjashëm me gjetjet e raportit të Freedom House, i cili flet për “minim të besueshmërisë dhe pavarësisë së institucionit…”.
Edi Rama dhe qeveria e tij do të duhet të gjejnë një zgjidhje, me të cilën të arrijnë të bindin Komisionin Europian se Reforma në Drejtësi po zbatohet në mënyrë korrekte. Por me dyshimet e opozitës dhe tashmë të Freedom House, kryeministri duhet të përballet për djersë të ftohta në Bruksel.
