Dështim total i Kombëtares U-21 në “Air Albania”.
Skuadra e Alban Bushit humbi pasditen e sotme 3-1 në shtëpi përballë Zvicrës në ndeshjen e vlefshme për kualifikueset e Europianit të kësaj grupmoshe.
Kjo ishte ndeshja e tretë radhazi pa fitore e kuqezinjve të vegjël dhe në këtë mënyrë rruga e Shqipërisë për në Euro 2025 komplikohet.
Në përbërje të Kombëtares, Bushi pati “luksin” të ketë në përbërje e tij, 6 futbollistë nga Superiorja me Mjakin, Dajkon, Gjinin, Buxhelajn, Nikajn dhe Rashicën që luajtën në këtë sfidë nga minuta e parë, por në fund nuk rezultuan efektivë në skemat e trajnerit.
Për tu rikthyer te sfida, pjesa e parë u vendos nga një gol fantastik i Surdez, me portierin Simoni që nuk mund të bënte asgjë.
Helvetët siguruan 3 pikët me golin e Sanches, me këtë të fundit që gjeti rrjetën vetëm 3 minuta pas aktivizimit. Keller thelloi shifrat, çerek ore para fundit.
Në fund, goli i Shpendit vlejti vetëm për statistikë. Shqipëria U21 renditet në vendin e katërt me 10 pikë. Zvicra kryeson grupin kualifikues me 14 pikë.
Ndeshja e radhës për Kombëtaren U-21 të futbollit është më 7 qershor kundër Malit të Zi, teksa më 6 shtator përballen me Zvicrën. Kjo fushatë mbyllet më 15 tetor kundër Armenisë.
Klasifikimi:
