Arkil Selimi, 24-vjeçari nga Fushë-Kruja i cili u kap me dy mina me telekomandë duke i transportuar drejt Lezhës, do të qëndrojë në burg pa afat.
Në seancën gjyqësore me dyer të mbyllura, i riu nuk ka dhënë asnjë shpjegim rreth veprimtarisë së tij dhe posedimit të minave.
Gjyqtari Aldi Kareco, pasi dëgjoi palët në gjykatë, e cilësoi të ligjshëm arrestimin në flagrancë të 24-vjeçarit dhe vendosi ndaj tij masën e sigurisë “Arrest në Burg” për veprën penale “Mbajtja pa leje dhe prodhimi i armëve, armëve shpërthyese dhe i municionit”.
