Vendimi i Federatës Franceze të Futbollit ka ndezur polemika në masë, i ardhur pas njoftimit se ata nuk lejojnë lojtarë nga gjiri i tyre, duke nisur prej moshave, të agjërojnë.
Edhe pse Mahamadou Diawara është njohur më këtë qasje, ai nuk e ka ndalur ritin e tij. Sapo lojtari e ka patur të pamundur për të kryer ritën e festës së Ramazanit, është larguar nga kampi i grumbullimit.
Trajneri i kësaj grupmoshe, Bernard Diomede, e ftoi javën e kaluar Diawara të bashkohet, në vigjilje të “Euro Elit Tur 2024”, U-19. Protagonisti në fjalë është pjesë e skuadrës së Lionit në Francë dhe mban pozitën e mesfushorit.
Pas këtij precedenti ka reaguar edhe presidenti i Federatës Franceze të Futbollit, Filip Dialo, në mediumin e “LeFigaro, ku ka theksuar se qëndrimi i institucionit që ai drejton është brenda kornizës së neutralitetit.
“Kam riafirmuar se kjo është në kuadër të neutralitetit, që do të thotë se ne nuk i modifikojmë kushtet e praktikës për arsyeje fetare”, tha Filip Dialo.
Interesante është se drejtuesi i institucionit më të lartë futbollistik është me origjinë nga Senegali, vend ku mbizotëron feja myslimane.
Në shtete si Anglia apo Gjermania lejohet pushimi i ndeshjeve gjatë Ramazanit.
