Në fund të spektaklit të djeshëm të Big Brother VIP është hapur edhe Zarfi i Zi, i cili ndodhej prej disa ditësh në shtëpi pas përplasjes fizike mes Egla Cenos dhe Rike Roçit.
Produksioni mori vendimin që t’i dërgonte të dyja në një televotim “kokë më kokë”, duke ia lënë në dorë publikut se cila prej tyre duhet të largohen nga shtëpia.
Kështu, njëra prej tyre do të ndërpresë garën në spektaklin e të martës, teksa pyetja për publikun është se “Kush dëshironi të largohet?”.
Kujtojmë se fillimisht produksioni kishte marrë vendimin për të mos i transmetuar pamjet gjatë spektaklit të djeshëm, por pas pretendimeve të Rikes se ata po mbronin Eglën, edhe pse ishte ajo që i hodhi panën mbi kokë, më pas produksioni vendosi të jepte klipin dhe ta komentonte me banoret.
