Sara Gjordeni u përjashtua nga Big Brother VIP Albania 3 për shkak të një sherri me Françeska Muratin.
Në një intervistë pas përjashtimit nga BBV, Sara ka folur edhe për të atin që thotë se nuk e ka kërkuar kurrë, por kur e ka parë për herë të parë, në moshën 4-vjeçare, i kishte dhënë diçka për të konsumuar, e cila i ka rrezikuar jetën. Siç zbulon në vazhdimësi, kishte tentuar që ta helmonte.
Ajo tregoi se babai jo vetëm ka dashur ta rrëmbejë kur ka qenë fëmijë dhe është shpëtuar nga daja, por e ka përndjekur dhe shantazhuar edhe katër vite me radhë në rrjetet sociale.
“Tim atë nuk e kam takuar kurrë, nëna ime është larguar në emigracion 3 vjeç. Ndër kujtimet e mia të para si fëmijë ka qenë një skenë dhune që nuk e kam parë as në filma atë skenë. Nëna ime ka humbur veshkën atë natë. Ka që asaj dite probleme me zemrën. Ashtu ka shkuar mes malit për në Greqi. Mami më kujtonte vetëm mua dhe ashtu e sapo operuar ka arritur gjallë në Greqi. Nuk kam qenë fëmijë i vetëm, nëna ime ka humbur 2 djem. Im atë është gjallë, por s’më ka kërkuar kurrë”, u shpreh ajo.
Modelja shtoi: “Një herë që më ka kërkuar, më ka sjellë diçka që unë e kam konsumuar dhe për pak kam humbur jetën në moshën 4-vjeçare. Kjo tregon mos besimin tim te njerëzit. Nëse im atë ishte në gjendje ta bënte atë, çfarë të pres nga të tjerët. Në moshën 16-vjeçare, për 4 vite me radhë me një llogari false jam shantazhuar, ofenduar kritikuar dhe imë më ishte gjykuar për mënyrën sesi më kishte rritur. Mora vesh që pas asaj llogarie ishte sërish im atë. Prandaj nga njerëzit kisha tërheqje. Ato gjëra lënë gjurmë”.
Sara mes lotësh vazhdoi: “Gjykata ka vendosur të qëndroja me nënën, ai ka reaguar shumë keq. Njëherë e kam parë, kam vrapuar, i kam thënë dajës po më ndjek ky xhaxhi. Mami kur është larguar, ka ardhur për herë të parë në ditën e parë të shkollës. Tek dera shoh një zonjë të veshur shumë mirë, frikësohem dhe i çoj tezes pjatën me vrap dhe i them tezes “Teze ka ardhur një teta tek dera”. Kur im atë i ka vendosur zjarrin shtëpisë kur jetoja humba të gjitha kukullat e mia”.
Pas deklaratave të Sarës, ka reaguar për herë të parë edhe babai i saj, Artur Gjordeni. Ai deklaron se fjalët e Sarës nuk janë të vërteta dhe shton më tej se kështu ia kanë treguar historinë e ëma dhe njerëzit e saj.
Më tej ai deklaron se ndarja me mamanë e Sarës ka ndodhur pasi ajo e ka tradhëtuar. Ai tregoi për “TVAnews” se në portofol mban foton e Sarës kur ka qenë 4 vjeç duke hedhur poshtë deklaratën e saj se ka tentuar ta halemojë apo e ka përndjekur.
“Jam Artur Gjordeni, jam babai i Sara Gjordenin po e jap këtë intervistë se nuk e prisja këtë nga vajza ime. Më ka akuzuar se kam djegur shtëpinë dhe e kam nxjerrë nga shtëpia.
Mbasi lindi Sara kemi vajtur me shtëpi më Kuçovë në shtëpinë e një kushëriri. Me vonë ai më lajmëroi se donte t’ja lëshoja shtëpinë. Erdhi tezja e Sarës dhe na la ajo shtëpinë e saj. Unë kam qenë punonjës Policie dhe po ti kisha bërë këto gjëra do më kishin marrë policia direkt. Çfarë shtëpie kam djegur dhe kur e kam lënë jashtë me të ëmën? Unë jam rritur jetim, Sara ka lindur në fshat këtu ka qenë tre muajshe. Mbas katër muajsh kemi vajtur në Kuçovë. Kurse Sara e përgënjeshtron që thotë babain nuk e njoh. Unë e mbaj në portofol vajzën, me këtë foto u prezantua në Big Brother. Ajo flet kështu se e ka mësuar e ëma”, tregon ai.
Për më shumë mund të ndiqni videon e mëposhtme:
@publik.alFlet babai i ish-banores së BBV3, Sara Gjordeni: Sara po mashtron në lidhje me mua e mamanë e saj!♬ original sound – Publik.al
