Një automjet ka shpërthyer në Vlorë në orët e para të mëngjesit të sotëm por fatmirësisht nga ngjarja nuk ka viktima.
Ngjarja ndodhi në zonën e pyllit të Sodës rreth orës 3 të kur makina e shtetasit Demir Shehu ka shpërthyer duke u përshirë nga flakët.
Si pasojë e shpërthimit në makinën tip Audi Q7 në pronësi të shehut, me targa AA 424 RC, është dëmtuar edhe një automjet tjetër tip Mercedes Benz që ishte parkuar aty pranë.
Sipas hetimeve të policisë, dyshohet se shpërthimi në automjet ka ndodhur si pasojë e vendosjes së një sasie eksplozivi gjatë orëve të natës.
Policia ka nisur hetimet në lidhje me ngjarjen ndërsa po merret në pyetje pronari i automjetit në lidhje me konflikte të mundshme.
