Eksperti i sigurisë, Ilir Kulla thotë se NATO duhet të mbrojë territoret e papushtuara në Ukrainë, ku sipas tij, kjo e fundit ka nevojë jo vetëm për armatime, por edhe për trupa ushtarakë.
Në emisionin “Zonë e Lirë”, Kulla u shpreh se NATO nuk e ka guximin të çojë trupa ushtarakë në Ukrainës. Sopas tij, nëse NATO dërgon trupa, do të jetë një luftë e hapur me Rusinë.
“Në një front ku është mbi 1500 kilometra dhe Rusia ka 650 mijë trupa, dy ushtarë rus janë për një ushtar që është në prapavijë, që mbështesin një ushtar që është në front, karshi ushtrisë ukrainase, e cila është në vështirësi, duhet angazhim. Nuk do të thotë të japësh vetëm para. Macron po mundohet t’i thotë qeverive të tjera perëndimore, t’i lëmë këto broçkulla, duhet të hyjmë dhe të fusim forca, që mos ta humbim të gjithë Ukrainën. Si NATO ka fuqi thjesht të hyjë në luftë. Këtu problemi është te trupat. Sot Rusia ka 650 mijë trupa të freskëta. Nëse do të kthesh fatin e luftës, duhet të ndodhë që duhet të ketë kundër reagim ushtarak. Kundër reagim ushtarak sot mund të japë vetëm NATO. Prandaj Zelensky ishte sot në Turqi, për ndihmë ushqimore dhe për ndihmë ushtarake.
Që të japë NATO, do të thotë të çojë trupa. Nuk mjaftojnë armatimet, duhen trupat e freskëta. Këtë s’e besoj. Nuk e besoj se do të kenë guxim ta bëjnë këtë. Mos ndoshta në nëntor ndryshon pushteti? Atëherë mund të ketë edhe hyrje me trupa. Do të thotë që duhet të hyjnë me trupa të ruajnë pjesën tjetër të Ukrainës. Duhet ta ruajë pjesën tjetër që mos ta humbasin. Është luftë e hapur me Rusinë”, theksoi ai.
