“Nuk është hera që kërkon të djegë me benzinë, madje ka tentuar edhe të më qëllojë me thikë”. Kështu është shprehur gjinekologu Bejkush Shehaj, klinika e të cilit u tentua të digjej nga një 27-vjeçar.
Gjithçka daton kur motra e Musto Kapajt, tashmë të arrestuar ka ndërruar jetë pas lindjes.
Mërzia e të vëllait dhe “marrja hak” duket se e ka shtyrë disa herë të riun të sulmojë gjinekologun Shehaj.
Vetë mjeku, i cili e ushtron profesionin e gjinekologut në spitalin e Vlorës ka shtuar se është hera e tretë qe kërcënohet nga po i njëjti person.
“Motra e tij kishte lindjen e tretë me mua, herët e tjera çdo gjë kishte qenë normale, ndërsa herën e tretë pati komplikacione pas lindjes dhe ndërroi jetë”. Kjo ështe edhe arsyeja që 27-vjeçari nga Gjormi ka tentuar t’i bëjë keq disa herë.
