Presidenti i Ukrainës, Volodymyr Zelensky ka reaguar për vizitën e tij në Tiranë. Me anë të një postimi në rrjetet sociale, ai shprehet se do takohet me kryeministrin Rama dhe zbulon se do të flasin për rrugën e përbashkët drejt qëllimit euroatlantik.
Ai shprehet se Shqipëria është një nga vendet që iu bashkua Deklaratës së Vilniusit të G7, për të cilën është shumë mirënjohës.
Postimi i plotë i Zelenskyt:
Sot punoj në Tiranë. Do të takohem me Edi Ramën, një mik të palëkundur të Ukrainës dhe do të marr pjesë në samitin “Ukrainë – Evropë Juglindore”.
Ne do të zhvillojmë negociata me Kryeministrin e Shqipërisë dhe ekipin e tij për bashkëpunimin në mbrojtje dhe politik, mbështetjen për Formulën e Paqes dhe punën për marrëveshjet e sigurisë. Shqipëria është një nga vendet që iu bashkua Deklaratës së Vilniusit të G7, për të cilën jemi shumë mirënjohës.
Në formatin “Ukrainë – Evropë Juglindore”, i cili mbahet për herë të dytë, do të flasim për rrugën tonë të përbashkët drejt qëllimit euroatlantik. Unë ofroj të mbështes përpjekjet e Ukrainës për të siguruar një paqe të drejtë dhe të qëndrueshme, organizimin e Samitit Global të Paqes në Zvicër. Do të zhvilloj takime dypalëshe me pjesëmarrësit e samitit”, shkruan Zelensky.
Today I am working in Tirana. I will meet Ukraine’s unwavering friend, Albanian Prime Minister Edi Rama, and attend the Ukraine-South-East Europe summit.
In our bilateral talks with the Prime Minister and his team, we will discuss defense and political cooperation, support for…
— Volodymyr Zelenskyy / Володимир Зеленський (@ZelenskyyUa) February 28, 2024
