Ka shënuar një rekord të vërtetë botëror, duke u renditur e para në klasifikimet ndërkombëtare.
Kënga më e dëgjuar e të gjitha kohërave është “Despacito” e portorikanëve Luis Fonsi dhe Daddy Yankee, e cila numëron një sërë çmimesh ndërkombëtare.
Kjo këngë është më e dëgjuara e të gjitha kohërave në botë me mbi 5 miliardë klikime, duke u bërë video më e parë në YouTuve.
Pikërisht në YouTube, kjo këngë ka lënë në vendin e dytë “See You Again” të Wiz Khalifa dhe Charlie Puth të cilët janë ndalur në 3.49 miliardë klikime dhe në vendin e tretë renditet “Shape of You” e Ed Sheran, me 3.41 miliardë.
Në videoklip shfaqet modelja portorikane që fitoi Miss Univers në vitin 2006, Zuleyka Rivera. Kjo këngë u klasifikua e para në tregjet botërore në shumë prej tregjeve kryesore të botës si Irlandë, Spanjë, Portugali, Francë, Belgjikë, Zvicër, Suedi, Austri, Danimarkë, Finlandë, Gjermani, Norvegji, Hollandë, Kanada, Australi, etj.
Vendin e parë e zuri edhe në Britaninë e Madhe, ku nuk kishte bërë kurrë vaki që një këngë spanjolle të arrinte majat e klasifikimit. Gjithashtu e para u rendit edhe në Shtetet e Bashkuara të Amerikës.
