Në Nyon të Zvicrës hidhet sot shorti për fazën e 1/8 në Europa League dhe Conference League (13:00). Duke filluar nga ora 12:00 goglat do përzihen për Europa League, aty ku Roma dhe Milan tanimë kanë mësuar se mund të kenë përballje të forta.
Fituesit që dolën nga faza e grupeve të Europa League tanimë kanë mësuar edhe tetë rivalët e mundshëm nga faza play-off. Ndër rregullat e vendosur nga UEFA për këtë fazë është edhe se skuadrat nga një Federatë nuk mund të përballen mes tyre. Gjithashtu fituesit e grupeve i luajnë ndeshjet e kthimit në shtëpi.
16 skuadrat e kualifikuara janë ndarë në dy vazo. Në vazon e parë janë kokat e grupeve, ndërsa në vazon e dytë të kualifikuarat e mbrëmjes së të enjtes. Formati është i zakonshmi; ndeshje vajtje-ardhje, pa rregullin e golave në fushë kundërshtare. Në rast barazimi pas 180 minutash, do të zhvillohet koha shtesë. Nëse nuk mjaftojnë, do të gjuhen penalltitë.
Milani dhe Roma, që vijnë nga play off-i, rrezikojnë të përplasen me skuadrat më të forta si Liverpool, Leverkusen, Brighton, Rangers, West Ham dhe Villarreal.
Ndeshja e para të fazës së 1/8-ave do të luhen më 7 mars, ndërsa takimet e kthimit një javë më vonë, pra më 14 mars.
Europa League
Fitueset e grupeve
Atalanta (ITA)
Brighton (ENG)
Leverkusen (GER)
Liverpool (ENG)
Rangers (SCO)
Slavia Praha (CZE)
Villarreal (ESP)
West Ham (ENG)
Skuadrat që fituan play off-in
AC Milan (ITA)
Benfica (POR)
Freiburg (GER)
Marseille (FRA)
Qarabağ (AZE)
Roma (ITA)
Sparta Praha (CZE)
Sporting CP (POR)
Conference League
Fitueset e grupeve
Aston Villa (ENG)
Club Brugge (BEL)
Fenerbahçe (TUR)
Fiorentina (ITA)
LOSC Lille (FRA)
Maçabi Tel-Aviv (ISR)
PAOK (GRE)
Viktoria Plzeň (CZE)
Skuadrat që fituan play off-in
Ajax (NED)
Dinamo Zagreb (CRO)
Maccabi Haifa (ISR)
Molde (NOR)
Olympiacos (GRE)
Servette (SUI)
Sturm Graz (AUT)
Union SG (BEL)
