Në foton e mësipërme është autori i grabitjes së pikës së këmbimit valutor në zonlën e Kombinatit në Tiranë, ku arriti t’i merrte lekët një klienti.
Policia e kryeqytetit ka vendosur një shpërblim prej 5 mijë euro, për çdo informacion të vlefshëm që do të çojë në kapjen e tij. Autoritetet kanë vendosur në dispozicion të qytetarëve, numrat e telefonit 112 dhe 069 411 8879 duke garantuar anonimatin e plotë të çdo telefonuesi.
Ngjarja ndodhi rreth orës 20:10, teksa hajduti pasi ka marrë lekët është larguar në drejtim të paditur. Siç shihet në fotot, autori ka qenë i maskuar dhe i veshur me bluze të kuqe, teksa e ka kërcënuar qytetarin me një pistoletë lodër.
Grupi hetimor ndodhet në vendngjarje dhe po punon për identifikimin dhe kapjen e autorit.
