Portieri i mirënjohur anglez, Joe Hart ka vendosur të varë dorëzat në gozhdë në moshën 37-vjeçare. Gardiani që aktualisht është pjesë e skocezëve të Celtic, ka njoftuar klubin se do të tërhiqet nga futbolli i luajtur në fund të sezonit.
Hart u rrit te Shrewsbury Town, ku edhe debutoi në futbollin profesionist, para se të transferohej te Manchester City, ku qëndroi nga 2006 deri në 2018-ën, ku numëron edhe më shumë ndeshje, plot 266 të tilla.
Ardhja e Pep Guardiolës te “Citizens”, solli edhe ‘skualifikimin’ e Joe hart, pasi loja me këmbë nuk ishte një armë e fortë e gardianit anglez dhe për këtë arsye, trajneri katalan vendosi ta largojë nga skuadra.
Prej verës së 2021-shit, Hart u transferua në Skoci, ku u shndërrua në titullar të Celtic dhe ka dhënë një kontribut të jashtëzakonshëm me klubin nga Gllasgou. Joe Hart numëron edhe 75 ndeshje me përfaqësuesen e Anglisë, në periudhën 2008-2017.
Me City-n, Joe fitoi 2 tituj të Premier League (2011–12, 2013–14), një Fa Cup (2010-2011), ndërsa sa i përket çmimeve individualë, Hart u shpall si portieri më i mirë i sezonit në Premier League në katër raste: 2010–11, 2011–12, 2012–13, 2014–15.
Joe Hart announces that he will be retiring from playing football at the end of this season.
Tap below for more
— Celtic Football Club (@CelticFC) February 22, 2024
