Në prag të Pashkës, besimtarët ortodoksë kremtuan të Premten e zezë që simbolizon Vdekjen e Jezu Krishtit në Kryq.
Ritit të organizuar nga Mitropolia e Korçës iu bashkuan qindra besimtarë dhe vizitorë të ardhur nga qytete të tjera.
Epitafet e 7 kishave u bashkuan para kadedrales “Ngjallja e Krishtit” dhe më pas të shoqëruar nga besimtarët përshkuan bulevardin “Shën Gjergji”, për të ndaluar në hyrje të parkut “Rinia”. Procesionet i udhëheqi Mitropoliti i Korçës imzot Johani.
Qindra besimtarë u bënë pjesë e ritualit në qytetin e Beratit, ku dy kisha ortodokse bashkuan Epitafët që simbolizojnë varrin e Krishtit.
Kryepeshkopi i Vlorës, Kaninës dhe gjithë Jugut, Imzot Ignati, i cili ka drejtuar rritet fetare, në Katedrale, ku besimtarët janë lutur për shëndet, mirësi dhe lumturi, pas kapërcimit të Epitafit.
E premja e Zezë, shënon vdekjen e Jezu Krishtit në Kryq, për të ringjallur mesnatën e së shtunës, kohë kur kulmojnë kremtimet e Pashkës.
