Është koha që gjyqtarja Monika Gomez Ferrer të marrë një vendim në lidhje me çështjen e evazionit fiskal të Kristiano Ronaldos.
Portugezi akuzohet se ka fshehur të ardhurat për 4 vite nga 2011-ta deri në 2014-ën dhe i ka bërë një dëm afro 14 milionë shtetit spanjoll.
Ditën e djeshme janë paraqitur në gjykatë këshilltarët e Kristiano Ronaldos, të cilët janë marrë në pyetje nga gjykatësja në lidhje me këtë çështje.
Ata janë mësuar me faktin që do të jenë njëlloj përgjegjës po aq sa personi për të cilin punojnë, pavarësisht se mund të pretendojnë se nuk kanë dijeni për atë që ka ndodhur.
Por lajmi kryesor i publikuar nga mediat spanjolle është lëvizja e fundit që ka bërë prokuroria.
Këta të fundit i kërkojnë Ronaldos që të paguajë 30 milionë euro si dëmshpërblim dhe në këtë mënyrë të pranojë fajin që ka bërë, në shkëmbim të një akuze që do ta dënonte atë më pak se 24 muaj dhe do të shmangte burgun.
Nuk dihet ende nëse Ronaldo do ta pranojë këtë gjë, por kjo çështje ka 3 skenarë për të ardhmen.
E para është arkivimi i kësaj çështjeje, delegimi i saj në Gjykatën Provinciale të Madridit ose nisja e një gjyqi tjetër ku Ronaldo duhet të dëshmojë.
Nëse ndodh kjo e fundit, gjasat janë që dënimi të jetë mbi 30 milionë euro dhe 8 deri në 10 vite burg.
