Humbja në derbin me Partizanin dhe sezoni me oshilacione nuk është falur te Tirana. Bardheblutë kanë shkarkuar trajnerin Julian Ahmataj.
RTSH Sport bën të ditur se Ahmataj është shkarkuar nga posti i trajnerit dhe se me shumë mundësi do ti besohet roli i drejtorit teknik.
Sipas këtyre burimeve, momentalisht po diskutohet për emrin e trajnerit të ri, i cili do të zyrtarizohet në ditët në vazhdim.
Julian Ahmetaj mori drejtimin e Tiranës më 3 tetor 2023 pas largimit të bujshëm të Orges Shehit, ndërsa tashmë pritet reagimi zyrtar i klubit bardheblu.
Ai numëron 19 ndeshje në krye të skuadrës, me ekipin që ka marrë mesatarisht 1.42 pikë për ndeshje.
Tirana aktualisht ndodhet në vendin e katërt në klasifikim me 34 pikë, me 9 fitore, 7 barazime dhe 8 humbje, 42 gola të shënuar dhe 37 të pësuar.
Tirana luan nesër, ora 17:00, ndeshjen e parë në çerekfinalen e Kupës së Shqipërisë përballë Teutës.
Për ndeshjen në stadiumin “Niko Dovana”, Ahmataj është paraqitur dhe në konferencën e zakonshme për shtyp.
