Ish-kryeministri Sali Berisha, përmes një postimi në “Facebook”, ka akuzuar Edi Ramën se është duke u hakmarrë ndaj zyrtarëve të SHISH pas raportit për trafikun e drogës në vend.
Sipas Berishës, 9 zyrtarët kanë bërë detyrën e tyre, por Rama nuk mund ti lejojë pasi kërkon të mbrojë ish-ministrin e Brendshëm Saimir Tahiri,
Postimi i Berishës:
Ndëshkimi i kryetrafikantit!
Hakmarrje tjetër primitive e Edvin Kristaq Ramës!
Mediat njoftojnë se kryetrafikanti Edvin Kristaq Rama urdhëroi nëpërmjet vasalit të tij, ndëshkimin e 9 zyrtarëve të lartë të Shërbimit Informativ Kombëtar për denoncimin e tyre me raportin e famshëm zyrtar antikanabis të ish ministrit bandit dhe trafikant Saimir Trafiku dhe 123 narkoshefave të narkopolicisë, të cilët kanabizuan anekënd vendin.
Këto ndryshime antiligjore shndërrojnë këtë institucion të rëndësishëm të sigurisë se vendit, në një vegël të verbër të narkoshtetit për fshehjen e trafiqeve dhe lidhjeve të tij me krimin dhe një instrument shtesë antiopozitar të kryehorrit në krye të narkoshtetit.
Këto ndryshime janë një apel tjetër i fuqishëm për përmbysjen sa më shpejtë me revoltë popullore të narkoshtetit dhe fundërrinave të tij!
