Lefter Rexhmati, një prej protestuesve të arrestuar pas protestës në “Rrugën e Kombit” dhe të liruar ditën e djeshme ka folur mbrëmjen e sotme për emisionin “Studio e Hapur” në News24. Ai ka rrëfyer detaje nga ndalimi dhe qëndrimi në paraburgim. Rexhmati tha se është arrestuar në 3 të natës dhe se policia nuk e ka lejuar të takojë familjen. Në paraburgim sipas tij nuk iu kanë dhënë as bukë e as ujë për 24 orë.
A i keni ndjekur zhvillimet e sotme?
Kam dëgjuar që është tërhequr nga tarifa për ne kuksianët.
Jeni të kënaqur?
Jemi të kënaqur me këtë vendim ndaj banorëve të Kukësit.
Jeni i kënaqur edhe pse nuk jeni të qartë se çfarë do të ndodhë?
Normal. Ka thënë që populli i Kukësit nuk do të taksohet. Zero lekë. Ashtu ka thënë kryeministri.
Kryeministri ka thënë do ta rishikojmë. Do jeni të kënaqur me 1 euro, apo 2 euro?
Për ne të Kukësit 0 lekë. Nuk duhet të ketë tarifë fare.
Rama iu ka cilësuar vandalë, keni një përgjigje?
Nuk jemi vandalë. Unë po flas për vete. Jam një qytetar i thjeshtë. Kam paguar 14 mijë e 900 lekë vajtje dhe 14 mijë e 900 ardhje. Ndaj dola në protestë. Nuk jam vandal, jam një qytetar i thjeshtë.
E prisnit që të arrestoheshit?
Nuk e prisja.
Në çfarë ore jeni arrestuar?
Në orën 3 e 30 më ka arrestuar policia. Unë kam fjetur në makinë sepse ruaj pronën time. Desha të takoja familjen, desha t’i çoja çelësat. Jo më thanë nuk do i takosh, do ia japim ne çelësat.
Sa keni qëndruar në paraburgim?
Nga ora 3:30 jam ndaluar, kemi arritur në 7:30 në Tiranë, deri në orën 9 kemi qenë në një dhomë. Pas orës 9 na kanë futur në një dhomë tjetër, na kanë marrë shenjat e gishtave. Pastaj na kanë futur nga 3-4 në dhomat e tjera.
Është e vërtetë që nuk ju kanë dhënë as ushqim?
As ushqim as uji. Nga mëngjesi në mëngjesin tjetër. Nuk kemi marrë fare. S’na kanë lejuar të komunikojmë më familjen që tju tregojmë ku ndodhemi. E kam kërkuar dhe nuk na kanë lejuar. Përveç 72 orëshit kemi qëndruar edhe 7 orë të tjera plus.
E keni parë vidoekonferencën e kryeministrit me kuksianët?
Po.
Si e shpjegoni që nuk ju përmendën ju?
Kur nuk janë liruar të gjithë.
A ju përfaqësojnë kuksianët që komunikuan sot me Ramën?
Po.
I njihni ju? I keni zgjedhur ju?
Po. Gjithë populli i ka zgjedh.
Si e shpjegoni që nuk folën për ju?
Po kur nuk janë liruar të gjithë. Ata që janë në burg nuk më duket normale.
