Pas zhvillimeve të fundit fill pas protestës, ku Rama pohoi se nuk do të merret asnjë vendim pa u gjetur një zgjidhje sa më e mirë për taksën e Rrugës së Kombit, Arjan Çani në “Studio e Hapur” është shprehur se ky veprimi i kryeministrit është për të peshkuar popullin dhe temperaturën e tij.
Çani u shpreh se në këtë formë që Rama zgjedh të veprojë, mund të qëndrojë edhe 100 vite në pushtet, dhe se e vetmja mënyrë për ta rrëzuar është vazhdimi i protestave dhe rezistenca e qytetarëve.cani
“Rama është i zgjuar, teston temperamentin e njerëzve. I ftoi në bashkëbisedim, në videokonferencë, për të fituar kohë dhe për të peshkuar. Në këtë formë Rama nuk ka për t’u rrëzuar për 100 vjet nga pushtetit. E dini se çfarë e rrëzon atë nga qeveria? Rezistenca paqësore, kohëzgjatja e protestës dhe protestuesve me ditë, më javë, më muaj. Asgjë nuk ka ndodhur deri më sot. E vetmja gjë që ndodh tani është që nëse Rama ua heq taksën ata thonë se jemi në rregull. Jemi secili për vete Zoti për të gjithë, ndërsa në vendet e tjera është e kundërta, secili për të gjithë, prandaj dhe qeveritë e huaja frikësohen”.
